上個月的網頁瀏覽數次數

2012年11月3日 星期六

港味泰菜 @ 泰尚

泰菜係西環區唔算多, 數數手指得幾間,
今日朋友介紹一間聲稱唔錯既泰國菜, 就黎一餐 Lunch Dinner, 時間差唔多十點, 仲有幾枱客人, 不過老闆娘已經迫緊我地落單.

紅咖哩牛肉, 椰奶下得過份重手,  辣度是不足的, 牛肉還有點o趙頭亦有牛味. 牛肉唔係好多片, 但蔬菜就好多.   

原個椰青焗海鮮飯, 唔講都唔信係焗飯, 飯粒比蒸飯還要濕, 係咪趕收工唔得閒焗先 ? 


泰式燒雞, 雞先炸過, 再以大量的蒜粒, 檸檬草同炒確實香口, 雞肉亦不算鞋口, 只是有點過咸.

總括: 食物, 服務也一般 , 價錢平均 $130/ head

飲食男女不容錯過的香港美酒佳餚展

香港美酒佳餚巡禮是由香港旅遊發展局主辦,是亞洲大型飲食展覽之一。香港美酒佳餚巡禮自2009年起舉辦,首四屆在西九龍海濱長廊舉行,是香港近年秋季的一項盛事。
 當日太陽伯伯好自強勁呀, 行到入會場已經成身汗
Na 同朋友都唔好酒, 所以急步行過酒區後就開始搵食
場內賣食物的地方唔小, 但係全部係大路野, 所以買小小試就夠

經過見兩位老外現場入酒,挺過癮的.
 轉眼間已經步行至甜品區 , 經過朱古力噴泉後, 放底廿蚊過路費, 就進入甜品區, 結果希望越大消失望亦越大. 可能今年第一年有甜品區, 所以參展商太小

影相位就係Cup cake counter 
 
最後只有一款甜品認為比較特別, 就是法國甜品 Canneles, 
以雞蛋, 牛奶, 糖, 云呢拿, Rum 酒, 經烤焗下, 造成微焦黑的外皮, 再放入正櫃內雪一會, 便會形稍稍硬了的外皮, 而內裡軟如 Pudding 質感, 令人吃得軟硬交錯,  但又香又甜實在比pudding 更好味. 





最後買點 Ham and Salmon 就走啦, 下年見 !








2012年11月2日 星期五

老媽賀壽@家傳戶曉



老媽生日來家傳戶曉開餐, 晚上進餐是分兩個時段, 我們選了第二段時間, 8:30可以入坐, 唔使趕頭趕命咁.  

七個大人共點了十一味菜計埋甜品足足十四碟, 真係犀利. 

蒜泥白切黑豚肉黑豚肉拌以 蒜泥同吃, 爽口不肥膩

紅燒八寶鴨: 肥鴨內瓖有綠豆,糯米,蓮子, 紅腰豆,鴨肉等, 材料比較簡單, 鴨是油潤好肉地, 但糯米實在比較太多, 易濟易飽肚, 醬汁有點過咸, 配額還是留返比其他菜色
  
什果糖醋魚(半條): 魚身夠脆唔夠熱, 雖則只有半條魚但肉亦不小 ,甜甜酸酸絕對是送飯之選

招牌生煎包: 皮頗厚, 肉球肉球Juicy, 亦細得可憐, 不過熱辣辣是加分的
小寵包 : 成晚最好味, 皮薄爆汁有肉香
蟹粉海鮮石頭飯: 蟹粉稱不上甘香, 飯亦沒有預期的起焦, 失望. 
黃金蝦 : 我怕三高所以避得就避, 阿妹話咸蛋黃甘香而且蝦肉爽口大隻咁好味喎
生拆蟹粉豆腐: sorry我完全見唔到有蟹粉, 蟹肉就有幾條
鮮魚羹 : 欠缺魚湯應有的鮮甜, 興幸湯頭亦順滑易入口

瑤柱蝦仁蛋白炒飯: 淡而無味, 飯粒亦唔夠乾身  

 清炒時菜:  豆苗無乜渣 , 食得過
高力豆沙 : 鬆化度一般, 豆沙份量剛好也不太甜  
香蕉豆沙窩餅:香蕉豆沙份量剛好, 是預先整好得因而只是微暖  
瓜杞子百合凍糕: 口感好粉, 好奇怪的甜品  

服務: 上菜快到無朋友, 所有食得既野差唔多係同一時間上枱, 真係食慢小小張枱都唔夠放.



















2012年10月27日 星期六

一次過吃盡德國美食, 非食肉獸專利 @Berliner

 
十月德國啤酒節相信城中為食鬼無人不知, 今晚有幸得公關邀請來嘗它們期間限定的Buffet. 雖然非首次邀食, Na往往抱著好奇的心態, 希望感受更多.



Outside 是BBQ Area, 德國菜魂又點小得主打咸豬手, 各式的香腸, 烤肉, 酸菜, 薯蓉, 雜菜等好易令人 overloaded.     
 
咸豬手和各式的烤肉類, 有點過火了
反而以碩紙包著的烤三文魚, 夠嫩滑不會有腥味, 而且份量剛好, 其餘色彩賓紛的蔬菜和幼滑的薯蓉也要吃點啊.     

吃點肉食後轉戰室內的餐湯, 沙律, Cold Cut, 麵包, 煙三文魚, 串燒.... Na 當然不是全部都試, 只選了幾款輕嘗  




還有我愛的咸香麵包圈, 有咬口之餘, 不會死硬, 必食啊 ~

又到甜品枱, 的確精彩, 原來德國甜品陣容咁強勁, 算我失敬








試了藍莓Muffins,  上面有點糖粉點綴,  質感帶點濕潤, 內裡也充斥著藍莓的香甜, 不得不讚呢 ~  其他好味的還要數德國蛋糕 (sorry, 我掛住食忘了蛋糕的名字), 加點果醬如吃, 感覺不一樣了 . Pudding 有數款, 原味, 朱古力, 咖啡等, 而質感比一般的稀, 稀得像糊仔, 味道亦略甜啊. 
甜魔今晚食力不夠, 到此為此

各式飲品無限供應, 岩晒無酒不歡的博客

  現場還有Live Band 助慶, 氣氛好熱鬧啊
大家飲飽食醉後, 大會還送出10月德國啤酒節的大薑餅留念,
盡慶而歸, 最後多謝公關們的貼心招待.