無選擇下的選擇

難得半夜出銅鑼灣食甜品, 唸黎唸去都唔知去邊好,
來來去去得兩三間, 而且質素更加是……


企在寒風撲面的街上, 只係想速速食完閃人
於是小妹腦子突然閃出“五代同堂”的大名, 行過去唔使五分鐘, 店外亦無人龍
轉個頭兩人就決定了吃乜 。
 

 

 

小妹想吃點熱野暖胃, 所以選了梳乎厘, 友人則選了綠茶棉花冰
先上綠茶棉花冰 , 是大墟頭的配搭 , 除了有加了炼奶的綠茶咆冰外, 還有其他配角分別為紅豆, 小方形椰汁糕, 黑珍珠, 粟米片等 。
味道沒好與壞分, 只係覺得一大盤野五顏綠色咁樣, 客人看到也會開心的。

 

 

至於的既梳乎厘真係令人失望到死, 首先是Size 細到離譜, 小妹比呢個貨錢得個兩, 三啖會唔會食水過深
呢 ?! 而於味道還可以接受, 薑汁味穩穩地透出 , 小小糖粉加添了幾分味道 (本來無甜味)
加但質感離奇地有點煙韌, 想用匙來分開亦有點難度, 於是改用叉…… 

老實講, 唔多想再吃下一次

和食大滿足

有幸再次和食友試菜, 而且正是小妹喜歡的日本菜 , 再一次感謝食友和店方, 其實除左有美食之餘, 亦好開心同朋友無所不談, 飲返兩杯。 雖然小妹唔多飲得, 但見到食友飲到醉與未醉之間又覺得好過引。其實小妹幾想見到佢醉個樣..哈哈哈。

黑木耳配上薑汁是它們自制的

 

一款辛口; 另一較易入喉

 

精緻的酒樽

 

入正題, 二人選了相撲手份量的 長腳蟹紙火鍋 套餐

 

 

 

前菜選了雪魚干,最好燒好即食, 脆卜卜用來送酒一流 。蟹籽沙律以小杯上感覺更貼心,
另一款卜卜脆蝦干冷豆腐配上酸甜柚子味度醬汁, 十分醒胃。

 

吃過前菜後重頭戲開始, 先上五式刺身(共十切), 分別有甘香油份足油甘魚; 爽甜章紅; 肥美三文魚; 切出刀工細緻的魷魚等。 食友怕白肉魚腥, 於是小妹可以食多幾件, 老實講兩款白肉魚一點都唔腥之餘仲好鮮甜

 

 

兩人意猶未盡再點了終極的三款剌身 “A5 和牛; 牡丹蝦; 加拿大海膽”
記憶中小妹初嚐和牛是在日本吃到的, 闊別多年後再嚐其實有點抗拒。但眼前的和牛賣相, 油脂分佈平均而且略帶粉紅, 所有恐懼感頓時忘記了, 於是一大口地吃下去, 油脂感爆燈可以想像, 又無渣。A5牛肉味個然係得 , 再飲一啖清酒清一清舌頭再戰餘下的兩款。
一手拎起了手板咁大隻既牡丹蝦, 其新鮮程度好像剛剛釣上黎咁, 肉是清, 甜, 脆, 而且蝦膏又多, 店員還窩心地提意把蝦再炸給我們送酒, 果然食得唔好嘥。海膽一向非小妹心頭好, 任務交比食友。

 

和食友已經飽左八, 九成, 有點擔心還可否再戰下去的同時燒物"雞肉棒; 牛柳粒, 燒冬菇"已放在眼前。小妹一手拎起加了甜甜醬燒既起肉香滿瀉的雞肉棒, 啖啖肉唔使'輪'真係幾開心, 其實小妹食野既口味同小朋友幾相似架。

 

回過氣後到天婦羅上場“蝦, 茄子, 冬菇, 南瓜, 蕃薯”等是指定動作而且份量是多得很，炸粉唔算厚，不過真是很飽了。

 

最後是今晚另一重點 "長腳蟹紙火窩" 蟹棒足足有四,五件, 雪白既長腳蟹肉嫩又激甜,
而且配上大量蔬菜, 菇等, 雖然已經十分飽但又唔可以放過白雪雪, 滑Do Do的烏冬喎 。
烏冬吸收了秘制的清湯後, 清湯味道恰到好處, 小妹和食友密密食, 差不多完成一大半,
但甜品就真係無能為力了 。  

 

題外話/補充資料

個人應為套餐份量絕對足夠三個正常食量的女士, 而且價錢經濟, 真係要約朋友黎食返轉

坐得舒服 @ 泰簡單

和朋友慶生的一餐午飯, 一人點一味 , 飯痴小妹揸旗點了蟹肉炒飯,  另外朋友點了燒豬頸肉和泰式炒芥蘭
所有食物只須幾分鐘已放在眼前, 速度驚人, 原因只因為人客不多, 所以就可以慳返等既時間, 快點食完去shopping !
 

 

 

 

一般燒豬頸肉是一片一片放在碟上, 但這裡的是不一般, 切到好似朵花咁靚,
燒得恰到好處, 唔會好干身還帶有點兒油脂, 味道唔錯, 而且份量超多, 物超所值
炒得清綠爽脆的芥蘭也不俗, 另外的 蟹肉炒飯比預其中略淡口, 蟹肉太小 , 以九十多元多算就係唔抵食 

晚間深層注水@Clinique

無酒精成份用得更放心

呢排既天氣真系乾到爆炸, 細紋暴現，仲要條中在眼週圍。睇落頓時老左幾年。
所謂既補濕面膜基本上每目必用。

Na 近來拿上手最多一定是Clinique Moisture Surge $290
購買於Sogo , 以Sogo 白金咭有九五折。。慳得一蚊得一蚊

質地很柔軟的Mousse 感，由於這款是睡眠面膜，只需於睡眠前簿簿地塗上, 高效滲透補點成份為肌膚深層補濕，鎖水。
翌日起來皮膚顯得更水潤，漲卜卜的感覺接著上妝更得心應手。

嫦娥奔月夜@文鼎酒家

今夜有幸得到公關的邀請，小妹得以初嘗寧波菜。而且能和多位 Bloggers 交流，令小妹獲益良多呢！
店內的佈置和一般的酒家無異，很適合家庭聚會。

 

 

打頭陣有 文鼎脆皮燻魚 $98 採用新鮮鯇魚，一向非常怕吃多骨魚，但原來師傅包把小骨惕走並於炸後再配上從寧波運送來的特製醬汁，頓時令我吃時更放心。而脆皮燻魚切法較厚，炸過後皮脆肉質還可以， 味道偏甜醬汁味濃完全將炸魚封鎖著。吃一件剛剛好。

 

聞名巳久的文鼎十八斬 $328 先只聲明小妹是不吃中式生海鮮的。但作為一位Blogger 就應該要括出去。 這道菜是採用寧波特產﹣梭子蟹，聽說是螃蟹中食用價值最高的一種，每一隻大約14兩至一斤重，用多款酒生醃好後，真空再從寧波運送到香港。 18 斬意思就是師傅用18刀切開蟹身，再加上用了18種材料的特製醬汁，刀功凌勵一點碎骨也沒有。蟹肉潔白有透明感與紅紅的蟹膏融合，將鮮甜門蟹肉再蘸上秘製 的十八斬伴汁，入口酸中帶辣非常惹味 。味道鮮中帶甘甜。

 

秋冬來到時正好來個花膠腌篤鮮 ＄368 進補一下，
此湯用料甚多用上自咸肉、花膠、筍乾等烹調，十分足料
由其吸引眼球的是那片頗厚身花膠，充滿骨膠原吃了令皮膚都靚多點。
雖然用料多但未如想像中鮮甜，感覺廣東老火湯更勝一籌。 

 

 

接著是包公牛小排 $218
據聞此菜色是起源於皇帝命令御廚做一道菜來獎賞「包青天」，以表揚他對朝庭的貢獻。餐廳採用上乘牛小排，加上十多種天然調味料去炆大約兩小時至腍身，牛肉炆得很是鬆化，肉質一絲一絲配上濃重而甜甜的稠身醬汁，感覺十分協調而且香味濃郁。

 

這款家鄉烤菜 $68 精髓是在於它的煮法，小棠菜加入醬汁然後以慢火來炆，味道甜甜的醬汁充份地透進小棠菜中， 小棠菜腍身無渣，有別於一貫吃法，小妹是喜歡這道菜的。

 

再來一味酒釀芥蘭 $88 清清腸胃，師父將只留了芥蘭最鮮嫩的部份，配上自製的酒釀和薑汁清炒。
芥蘭炒至恰到好處還有點兒爽脆，味道清清地，不俗。

 

以五花腩和蘿蔔炆約兩個多小時做出文鼎紅燒肉拼粑齒蘿蔔 $198
件呈現微紅而微甜的秘製醬汁，完全滲透在五花腩及蘿蔔裏。紅燒肉一層一層，小妹分到過份肥美的一件幸得靚女和我交換。換來的一計肥瘦適中， 脂肪同肉相間，瘦肉部份夠鬆軟，肥膏更加是入口即溶。其實最喜歡反而是蘿蔔，入口即溶化，清甜又無渣，亦正好平衡一下肥膩腩肉。

生煎飽

 

生煎飽熱辣辣上檯，以炒過梅菜、叉燒粒等作為餡料的，飽煎得非常香脆，雖然已經好飽，但一下子也被小妹吃掉。

 

寧波湯圓$28 皮比較厚身，濃香黑芝麻餡料和入口軟糯而滑的外皮，有誰不愛。。
再以陣陣桂花香襯托著，糖水清甜而脫俗，份量也剛剛好。

 

最後是月光咁圓既煎堆，其實吾只睇得，味道其實吾錯。
皮脆好似食緊佈滿芝麻香的薯片。有blogger 食到停吾到口呢！哈哈哈！