小妹久病回歸, 第一炮就被邀到北斗翁圍爐, 真是期待萬分, 先多謝公關朋友的細心安排, 小飯局讓我們試真d !
小食方面,先來個燒烤併盤, 估唔到就連燒烤食物也有提供, 分別有燒牛肋骨, 牛肉粒, 燒雞翼, 而兩款牛肉肉味香濃, 而小妹最喜歡燒多春魚, 十分香口而且卜卜脆。
各人先來混醬, 小妹只輕手地用了XO醬, 因為相信材枓新鮮就不用太多醬料調味
新鮮鵝腸併黃沙豬潤…sorry 小妹唔食內臟架
花膠雲英雞鍋(半隻): 湯底則是滋補的藥材，還下了花賿, 杞子, 龍眼肉, 沙參等, 十分適合如小妹般的寒人暖身。因為雞隻不是黃油種, 所以唔會攪到成鍋油, 而且雞肉十分好嫩滑又有雞味。一口氣吃了數件。
接著有如排山倒海的食物上枱 至尊牛肉船, 雙併了手切牛脊肉, 大大粒肥牛粒
前者雪花分佈得均勻, 顏色鮮嫩十分吸引, 牛肉粒則略比下去了, 但由於是肥牛關係所以油脂十足。
咸淡水鱔片: 小妹怕多骨, 只吃了一小片, 肉質也爽口。到另一吸睛位的是
珊瑚蚌併桂花蚌, A級蚌原隻上碟size特大, 而且脆口彈牙。但小妹比較喜愛
珊瑚蚌因為口感更加爽口鮮味。
日式野菜籃: 有生菜, 西洋菜, 黃牙白, 雞比菇, 金菇等。一盤一圍人都食唔晒
生劏龍躉片 : 這是其中一味令到小妹不停添食, 龍躉是生劏, 新鮮是常理, 魚肉雪白,
魚味鮮甜, 最難得是一點骨都沒有, 十個讚!
鎮店水餃皇: 水餃大到一隻放滿錢的荷包咁大, 新正頭食就更加貼題
希望大家個荷包日日都大到滿瀉
水餃皮做得頗薄，餡料又多蝦隻爽口足足兩大隻, 加入了荀, 豬肉等, 小妹足足吃了兩大隻, 正!
海鮮併盤亦是同樣強項, 包括了大蝦, 龍蝦, 魚片, 蟹等, 睇到都知有幾豐富, 但最驚喜絕對是價錢, 居然係用$498可以食到咁多游水海鮮, 真係抵食到爆!
飲飽食醉, 滿足到不得了的一晚!
Elizabeth Arden
Daily Youth Restoring Serum
用法:
洗面; 爽膚水; 剪開膠狀Capsule ; 均勻地以打圈方法搽上面上; 極乾地方重複搽; 不須等待吸收直接探上而霜。
100% 油份, 吸收不算快。\比較適合晚上用。
當第二朝會發現皮膚較柔滑，乾紋變淺。非常適合冬天極乾時使用。
巨形卡位
仿百子櫃
某天在面書上看過朋友post 的相片, 立即有吃焗豬扒飯的衝動
於是放工後立即過銅鑼灣一趟。
冰室位置有點偏離了中心旺位, 如果要由SOGO 生過去大約 6-7分鐘
不過小妹腳長行得快, 打兩個轉就到了
晚上大約7:30 左右, 食客稀小, 相信還是新開的關係。
小妹一人坐四人大卡位, 好正 ~
二話不說點了 金鏄焗豬扒飯 $ 78
(如果各位趕時間就唔好點, 因為足足要等15分鐘)
上枱時感覺真係幾震撼, 一個字講晒“巨”
興奮過後就可以慢慢為它解體
以焗至金黃的麵包外取代焗盤
金黃芝士佈滿金鏄屋上
豬扒已切好一件件, 足足有六,七件而且仲要係厚切個隻
豬扒肉保留著有咬口肉質和豬肉味
炒飯金黃混合雞蛋絲, 焗豬扒專用西汁是和小妹小時吃到的相似度有九成九
而且方死你唔夠汁, 隨飯跟多一小碗
份量亦非同小可, 一個女生未必食得晒
炒飯配西汁, 真在係太過美味
小妹可以 KO了整個炒飯, 但太多肉真係頂唔順!
先謝謝朋友這餐遲來的生日午餐。
Cafe on the corner 亦由小妹自選的。店子很小只能容納數張檯。為免曰行一趟請緊記book 位。
小妹選了Brunch 是以煙肉、芝士、蘑菇、洋蔥、青椒等火焗奄列配蒜蓉包及提子。
首次吃焗奄列的感覺是材料雖然下足夠，但份量還是單薄，而且焗出來的蛋也失去嫩滑感。
小妹還是喜歡煎成金黃的奄列。而一片蒜蓉包補償奄列的不足。
Cappuccino 看似不俗，泡泡夠厚又挺，咖啡香溫和，不酸、甘苦味平衡討好。
最可惜是下了玉桂搶了咖啡的香味。
食物合格，是令人 relaxing 的地方 。
但服務有待改善，女店員明顯地做到燥底火起。。。
小妹得食友邀請, 有機會到劉嘉玲小姐開設的日本餐廳享用晚宴, 心情當然非常興奮。
[京旬] 位於 [The One] 18/F , 在旁兩間西班牙也是同一集團旗下。
環境可以稱為靚絕九龍, 居高臨下的開揚感, 誰不為美境而動心。
先來了兩支日本清酒, 公關小姐細心地為我們預備了兩款小食佐酒
分別為炭燒沙甸魚苗乾$68 炭燒鱈魚乾 [隨酒付送]
師父會將鱈魚乾和沙甸魚苗乾放在備長炭爐燒致香脆, 作為佐酒是無得輸的。
酒後送來三款剌身, 分別是
帆立貝刺身$180
牡丹蝦刺身$108
大拖羅刺身$680
小妹最感興趣幾對是美得過份的大拖羅刺身, 刺身呈現粉紅的嬌美, 油份充足, 魚鮮分佈在口腔內, 令人回味無窮。其後是足足有成3 cm 厚的帆立貝刺身, 外形雪白討好, 肉質鮮甜, 作為刺身是不二之選, 最後餘下巨形的牡丹蝦刺身, 蝦肉甘香一鮮嫩, 而且切勿錯過藏滿了蝦膏的牡丹蝦頭。
炭燒西班牙紅蝦$240 和牡丹蝦的體形也不相百頌, 可以稱之為珍寶Size
而經備長炭眷燒出來後有什麼不同, 小妹答唔出。
但係答得出既就係紅蝦肉比普通的大蝦更爽口彈牙, 但味道就差唔多。
炭燒生蠔煙肉卷$120 同時以整個炭爐上枱, 更加吸引
肥美的生蠔以煙肉卷著, 迫出煙肉的油份再透入生蠔內, 本身肥美的生蠔顯得更加油潤。但個人認為可以再燒耐一點, 令到煙肉更加香脆可口。
另一味送酒小食也要數炭燒法國牛舌$68 , 牛舌爽脆牛味皮頗濃。
由於吃得太多肉, 所以炭燒西班牙黑毛豬$260 只試了一口
以西班牙黑毛豬作燒物小妹還是第一次試, 黑毛豬肉更加有咬口, 當然豬肉味是
更加濃郁。
相信女仕會喜愛的是京都豆腐鍋$230, 豆腐對皮膚好絕對不容懷疑, 而且
零脂肪, 正所謂食多多都唔怕肥, 以涓豆腐伴以大蔥和冬菇, 清湯底以日本木魚肴出
再加上日本豉油, 零油份之餘亦夠飽肚。
最後是我最愛的甜品環節, 分別為自家製士多啤梨葛粉包$68 自家製綠茶蕨餅$98
前者是白裡透紅的葛粉包, 士多啤梨藏在煙韌又軟滑內; 後者是甘甜的蕨餅伴以黃豆粉, 簡單而滿足。
題外話/補充資料：
另外一提的是所有餐具也是從京都人手制成，一絲不苟的精神是要加許的
