老愛飲茶, 襯星期日想攪點新意思同佢地試下另類飲茶法。
就是 [飲茶自助餐], 小妹的兩老是有食力之人, 所以他們知道食
自助餐, 萬分興奮!
但對小妹而言, 可以陪伴他們方為重點 。
一行三人 每位$233 + 10%
我地已經預先12:50 到達, 點知外面已經圍滿食客, 以老人家和
一家大細為主。
時間未到1:00 已經可以就坐 。
大致分為自取食物和填點心紙, 就坐後客人非常迅速取食物 。
首先是三大盤青菜沙律, 反正無乜興趣, 可以直入燒味區。
小妹好彩排排下隊之際, 突然伙記放下一盤金汨燒骨, 排得扎靚
仔, 還有蜜汁叉燒,脆皮燒肉, 白切雞等 。
金汨燒骨不只賣相精美, 味道惹味有咬口。
蜜汁叉燒則肉質鬆軟, 麥牙糖剛好包裹著厚切叉燒, 甜甜地幾好味。
原隻燒豬脾是我意想不到的, 廚師即切燒豬脾, 肉質嫩滑點味道
很淡口, 配上付上醬汁同吃就好小小。
澱粉質當然要有數鼓油皇炒麵和糯米雞。
利益申報, 小妹共拎了三次鼓油皇炒麵, 不得不讃炒麵油不多十
分干身, 還加入韭黃, 芽菜和芝麻等, 非常
清爽又香口，是水準之作 。
糯米雞則較正宗的略小, 但材料也下得足, 蠔汁夠多也不錯 。
還有其他美食, 四寶滑雞扎, 蠔汁鳳爪, 咖哩豬皮魚蛋等。
另外那邊, 橙汁任拎, 加上冷盤 榨菜腎片, 雙冬烤麩和拍青瓜木
耳等 。
老火湯, 白粥, 紫米椰汁露也不缺。
小妹吃不了太多還是返回坐位, 填下點心紙先。
點知一坐低, 伙記就送上 黑蒜花膠燉湯 和清蒸蒜蓉開邊龍蝦每
人一份, 咪話易唔回本 。
小妹大愛黑蒜花膠燉湯味道香濃充滿膠質, 還有一大隻花菇, 好想添飲。
蒜蓉開邊龍蝦也不俗, 肉質有韌度, 肉多充斥著濃郁的蒜香, 令
人食指大動, 可惜小妹只可淺嚐, 最好的留給黑洞老豆。
蒸點心部份不會樣樣都點
我們只選想食的, 不浪費食物是常識吧。
馬拉糕, 蝦餃, 蟹皇燒賣, 酥皮焗叉燒包, 黑松露粉果及帶子腸粉
等
要數最好味的首選黑松露粉果, 涵料切得細緻, 每個漲卜卜, 外
皮煙韌, 穩約吃到黑松露芳香, 這款也是我們唯一追加的點心。
反而帶子腸粉叫人失望, 腸粉皮非常厚, 帶子也細粒得可憐, 但
這是唯一一款腸粉, 無可選擇下也要點，
無食腸粉又點叫飲茶先。
酥皮焗叉燒包, 酥皮薄皮香鬆化, 叉燒涵也不小, 如果再多些蠔
汁就無得頂。
散尾云吞麵，一人份量，可以淺嚐但質素一般。
小妹不停守候著甜品區也找不到 傳聞中的 ［燕窩蛋撻］
甜品大約有六至七款, 並非太過吸引, 不過又捉隻小白兔來影下
相，之後交由老媽處理。
haagen dazs雪糕也是任拎的，咪話唔開心！
33週年迷你奶黃壽桃包沒有點了, 因為非傳統的蓮蓉涵, 識食梗
食蓮蓉的。
我們有一個半小時慢慢食, 當大家飽到上心口之際, 突然比眼明
手快的老豆看到伙記盤出 [燕窩蛋撻] 放到甜品枱, 但數量唔多
好好彩終於得手
蛋撻小巧, 熱烘烘撻皮鬆脆甘香, 蛋香濃郁, 燕窩重手, 太好味!
絕對是 Happy Ending !
